Skal du arrangere leir i sommar? Bli med å teste ut ein rettleiar for inkluderande leir! 

Ei rekke barne- og ungdomsorganisasjonar har saman med Kyrkjerådet laga utkast på ein rettleiar som skal bidra til auka medvit knytt til inkludering av deltakarar. Heftet skildrar mellom anna kva ein bør tenkje på i planlegginga og til dømes ta inn i påmeldingsskjema. Rettleiaren har også vedlegg som kan nyttast til kartlegging av universell utforming og evaluering. 

Det er ynskjeleg med tilbakemeldingar på rettleiaren etter årets sommarleirar, slik rettleiaren blir best mogleg til hjelp i leirgjennomføring. 

Skal din kyrkjelyd markere skaparverkets dag i vår? Det er ei godt høve til å reflektere rundt skaparverket og vårt ansvar for åt a vare på naturen. Skaparverkets dag vert normalt markert i treeiningstida, anten i samband med verdas miljødag 5. juni eller i samband med Season of Creation i haust. Ressursbanken har materiell for dagen. 

Kyrkjerådet har lyst ut innovasjonsmiddel for å stimulere til nyskaping, samskaping og kunnskapsutvikling. Bli med på webinar 28. mai kl. 10.00 for å lære meir om kva som er eit godt prosjekt og ein god søknad.  

Frivilligteamet i Bergen kyrkjelege fellesråd har laga eit e-kurs som gjev ein grunnleggjande introduksjon til frivillig arbeid. Du vert også utfordra på om du ser frivilligheit som eit overskot- eller underskotfenomen. Kurset vart lansert i fjor haust, og du kan ta det individuelt eller i fellesskap med andre. 

Den kyrkjelege kulturarven er ein mangfaldig plattform for formidling av kyrkjebygg, identitet og engasjement. Kulturarvkonferansen "Arven som åpner rom" i Stavanger inspirerte til nytenking. 

Bli med på webinar med Kirkenes Verdensråd på den internasjonale dagen for biologisk mangfald! Overskrifta er From Faith to Action: "Interreligious call for biodiversity justice". Webinaret er 22. mai kl. 15.00, og du kan melde deg på her. 

Den betalte kampanjen for å få unge til å søke kyrkjefaglege studiar førte til fleire tusen klikk i nettaviser og mange millionar visningar. Studiestadane melder om positive søkartal. 

– Finn Wagle var ein sann medvandrar for oss andre i kyrkja. Han var ein biskop med både høgde og djupne, sa preses Olav Fykse Tveit i gravferda til den tidlegare biskopen. 

Den norske kyrkja si medarbeiderundersøking stadfestar at tilsette har høg motivasjon og gode høve til å styre eigen jobbkvardag. 

Du mottek dette nyheitsbrevet fordi du er tilsett i Den norske kyrkja. 

Dersom du kjenner til andre som kan ha nytte av nyheitsbrevet, kan dei melde seg på her. 

krpostmottak@kyrkja.no