Ein heilskapleg visuell profil er viktig for at folk skal kunne kjenne igjen Den norske kyrkja – over heile landet og på tvers av kanalar. Det siste året har det vore jobba med ny visuell profil, slik at den skal vere enklare å bruke og tilfredsstille krav til universell utforming.

På allmøtet i morgon kl. 09.00 får du vite meir om profilen, når malar vert tilgjengeleg og kva tid vi skal ta den i bruk.

Det digitale allmøtet er for alle tilsette i kyrkja. Du vil også få høyre om sommarjobbutlysing, mediesaker om kyrkja sitt medlemsregister, avlevering til Nasjonalarkivet og tilrettelegging i undervisningsarbeid. Allmøtet varar inntil ein halvtime, og du finn både i opptak og direktesending i ressursbanken.

På torsdag kl. 09 startar årets digitale LIM-fagdag. Temaet er diskriminering og kvardagsrasisme, og korleis dette kan kome til uttrykk i kyrkjelege samanhengar. I løpet av dei tre timane blir det både fagleg påfyll om temaet og korleis vi kan arbeide for inkluderande arbeidsfellesskap. Sjå gjerne fagdagen saman med kollegaer, anten direkte eller i opptak.

Ingen skal vere registrert i Den norske kyrkja eller eit anna trussamfunn mot si vilje. Vårt medlemsregister har framleis nokre feil på grunn av måten det vart oppretta på for snart 30 år sidan. Les meir om historia og kva som har blitt gjort for å rette på dette. 

Kvar dag deler menneske informasjon med kyrkja, i tillit til at vi ivaretek den på ein trygg og ansvarleg måte. Når vi sikrar denne informasjonen, bidreg vi også til å sikre den tilliten menneske har til kyrkja. 

Ungdom kan ha stor nytte av å få hjelp til å snakke om kjensler og kva som gjev meining i livet. Det er no mogleg å søke om midlar til tiltak som nyttar samtaleopplegget Meininga med meg. 

Kyrkjerådet har vedteke å forenkle ordninga med lønnstilskot til fellesråd som tilset eller har tilsett vigsla kateketar og diakonar. For 2027 kan fellesråd søke om å få 90 000 kr. 

Onsdag i førre veke deltok rundt 500 menneske på konferansen Tro, håp og undring på kulturhuset i Lillestrøm. Det var både variert og innhaldsrikt program om kyrkjeleg undervisning og læring. IKO arrangerte konferansen saman med Kyrkjerådet og Spir. 

Fram til søndag går det annonsar om død, sorg, helgemesse og allehelgen. På ressursbanken finn du informasjon om kampanjen, bilete og ideo til deling, og forslag til medieinnsalg.

Omgrepet "Tilskot" vert nytta på ulike måtar i kyrkja. På ressursbanken kan du lese meir om skilnaden på støtte og tilskot og kva du kan finne kvar. 

Kyrkjene i Ukraina har vore der når andre samfunnsinsititusjonar har brote saman. Det var eit av dei sterkaste inntrykka som Kyrkjerådsleiar Harald Hegstad tok med seg frå eit Ukraina-besøk tidlegare i oktober. 

Du mottek dette nyheitsbrevet fordi du er tilsett i Den norske kyrkja. 

Dersom du kjenner til andre som kan ha nytte av nyheitsbrevet, kan dei melde seg på her. 

krpostmottak@kyrkja.no