I morgon er det digitalt allmøte for alle kyrkjetilsette. Her får du mellom anna høyre får Eidsvåg sokn i Bergen som var med på telleveke i fjor, og skal vere med i år også. 

På allmøtet vil det også verte snakk om digital dømmekraft, som er temaet for årets sikkerheitsmånad i oktober. Du vil også få informasjon om rammer for skulegudstenester og inspirasjon til å markere helgemesse, allehelgen. 

For dei som har velfortent haustferie, er det sjølvsagt mogeleg å sjå allmøtet i opptak. Både direktesending og opptak av allmøtet vert publisert på ressursbanken.no/allmøte. 

No er det mogleg å søke tilskot frå Kyrkjebevaringsfondet. I tillegg til istandsetjing av kyrkjer, er det mogleg å søke om støtte til opplæring av handtverkarar, kurs, utdanningstilbod, kunnskapsutvikling og andre tiltak som styrkjer den antikvariske kompetansen hos kyrkjeeigarar. 

No er det enda enklare for soknerådet å følgje med på og handsame aktivitetsplanane som ligg samla i Kyrkja vår. Ein ny funksjon gjer det mogleg å distribuere planane med ei lenke, slik at ein kan lese planane utan å logge inn i løysinga. 

Jamn og god bruk av Norsk salmebok set sine spor. Men det er pengar å spare på å reparere boka profesjonelt på eiga hand. Og eitt enkelt tips for oppbevaring kan forlenge levetida. 

Torsdag 29. oktober vert det digital fagdag for Likestilling, inkludering og mangfald. Planlegg dagen allereie no med å halde av tida, bestille mat og avklar kven som leier samlinga. 

I oktober vert det telleveker. Her er alle invitert til å vere med å telje kor mange som er innom kyrkja og ulike aktivitetar gjennom ei eller to veker. I ressursbanken ligg telleskjema og andre ressursar klare. 

Kyrkjerådet frarår å bruke KI-briller og andre einingar som kan ta opp lyd eller bilete utan at det er tydeleg for omgjevnadane.

I førre veke vart Noregs førstedame gjennom fjorten år, prinsesse Astrid, fru Ferner, bisett frå Ris kyrkje i Oslo. 

Du får dette nyheitsbrevet fordi du er tilsett i Den norske kyrkja. 

krpostmottak@kyrkja.no