I Den norske kyrkja sin tilskotsportal, er det fem støtteordningar som kyrkjelydar no kan søke på. Her er det mogeleg å søke støtte til fellesskap for unge, kompetanseheving om funksjonshemma sine rettar, organisasjonsutvikling og midlar til å gje ungdom sommarjobb neste år.

Mot slutten av året har Kyrkjerådet høve til å utvide den økonomiske ramma for desse støtteordningane. Det er kyrkjerådsdirektør Ole Edvard Wold-Reitan glad for: 

– Vi ynskjer å bidra til aktivitet og utvikling lokalt, og er glade for at vi har rom for å utvide potten. Vi håpar mange kyrkjelydar vil nytte seg av høvet til å søke om tilskot. 

To av støtte ordningane har frist allereie 12. november, og to av ordningane har 1. desember. 

Pastoralklinisk utdanning (PKU) er sjelesorgfagleg prosesslæring gjennom praksis, refleksjon og teoretisk studium og vegleiing. Fagutval for diakoni deler ut stipend på inntil 25.000 kroner til diakonar som ynskjer å ta denne utdanninga. Søk innan 31. desember! 

Førstkomanede søndag står kyrkjelydar over heile verda saman i bøn for den forfulgte kyrkje. I år lyfter vi særleg fram trusfridom og støtte til menneske som blir utsett for vald, trakassering, overgrep og drap på grunn av trua deira. Dette kan alle kyrkjelydar bidra med i gudstenesta, anten i stort eller i smått.

Truskommisjonen i verdskyrkjerådet har for første gong ein norsk leiar. Kommisjonen oppmodar alle kristne til å saman lytte til kva Den heilage ande seier og å saman vandre som pilegrimar. 

Dåpstala i Langhus gjekk ned, viste statistikken i det digitale verktøyet Kyrkja vår. Det førte til fornya innsats på dåp i kyrkjelyden. I allmøtet i førre veke fortalde sokneprest Magnus Ingvaldsen om korleis dei nyttar Kyrkja vår til strategiarbeid. Andre tema i allmøtet var statsbudsjettet, ungdomsgudstenester i Arna og kampanjeinformasjon. 

Furukvistar, konglar og granbar fyller bordet. Potter med haustlyng gjev eit innslag av lilla. Ståltråd vert surra og stemmer summar. I samband med helgemesse var det kranseverkstad på Kløfta.  

For at eit kyrkjeleg fellesråd skal motta tilskot til diakoni frå neste år, må dei planlagde aktivitetane i soknet vere registrert i Kyrkja vår innan 31. januar 2026. Les meir her. 

– Ei føreseieleg finansiering av folkekyrkja byggjer fellesskap over heile landet. Det er eit viktig premiss for budsjettforhandlingane på Stortinget, seier leiar i Kyrkjerådet, Harald Hegstad. 

Nyheitsbrevet vert sendt til tilsette, frivillige, folkevalde og andre interesserte i Den norske kyrkja. Har du fått det videresendt kan du melde deg på nyheitsbrevet i dette skjemaet.

Vil du melde deg av? Trykk her 

krpostmottak@kyrkja.no